YAP Şəmkir rayon təşkilatının ərazi partiya təşkilatlarında partiya üzvləri ilə növbəti görüşlər keçirilib
Bu gün, 16:29. Yazar: azer
12 oktyabr 2026-cı il tarixində Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin YAP-ın VIII Qurultayındakı nitqindən irəli gələn məsələlərlə bağlı YAP Şəmkir rayon təşkilatının Şəmkir rayon 7-illik uşaq Musiqi məktəbi, Şəmkir Rayonu Mərkəzi Xəstəxanası, Ağciyər Xəstəlikləri Mərkəzi Şəmkir Regional Xəstəxanası ərazi partiya təşkilatlarında partiya üzvləri ilə görüşlər keçirilib.
aia.az xəbər verir ki, Görüşlərdə Prezident İlham Əliyevin YAP-ın VIII Qurultaydakı nitqində qarşıya qoyulan vəzifələr, ərazi partiya təşkilatlarının fəaliyyət istiqamətləri, təşkilati işlərin gücləndirilməsi, üzvlərlə işin səmərəliliyinin artırılması və dövlət siyasətinin əsas prioritetlərinin təşviqi məsələləri ətrafında müzakirələr aparılıb.
Görüşlərdə çıxış edən YAP Şəmkir rayon təşkilatının sədri Zamir Güvəndiyev, eyni zamanda rayon təşkilatının əməkdaşları, ərazi partiya təşkilat sədrləri və digər partiya fəalları tərəfindən Yeni Azərbaycan Partiyasının ölkənin ictimai-siyasi həyatındakı rolu, partiya üzvlərinin qarşısında duran vəzifələr və qurultayda müəyyənləşdirilən hədəflərin həyata keçirilməsində ərazi partiya təşkilatlarının üzərinə düşən məsuliyyət vurğulanıb. Həmçinin Prezident İlham Əliyevin rəhbərliyi ilə Azərbaycanın davamlı inkişafı naminə qarşıya qoyulan məqsədlərin reallaşdırılmasında YAP üzvlərinin fəal iştirakının vacibliyi qeyd edilib.
Geri dön