“Google” pulsuz “Gemini”yə məhdudiyyət qoyur: Bu tarixdən qaydalar dəyişəcək
Bu gün, 19:00. Yazar: vasif
“Google” süni intellekt xidməti “Gemini”nin pulsuz istifadəsi ilə bağlı qaydaları dəyişməyə hazırlaşır. Bildirilir ki, oktyabrın 9-dan “Gemini Flash” və “Gemini Pro” modellərinə çıxış ödənişli abunə ilə məhdudlaşdırılacaq.
Yeni qaydaların süni intellekt abunəliyi olmayan şəxsi hesab istifadəçilərinə şamil ediləcəyi qeyd olunur. Beləliklə, həmin istifadəçilər daha güclü “Flash” və “Pro” modellərindən əvvəlki qaydada yararlana bilməyəcəklər.
Pulsuz istifadə imkanı isə tamamilə aradan qaldırılmır. Abunəliyi olmayan istifadəçilərin daha yüngül “Gemini Flash-Lite” modelinə çıxışının saxlanılacağı bildirilir.
Bununla yanaşı, “Google”un oktyabrın 1-də yeni flaqman süni intellekt modeli “Gemini 4 Argon”u təqdim etdiyi qeyd edilir. Hazırda bu modelin istifadəsinin kibertəhlükəsizlik sahəsində çalışan müəyyən şirkət və təşkilatlarla məhdudlaşdırıldığı bildirilir.
Beləliklə, əsas dəyişiklik “Gemini”nin tam ödənişli olması deyil, daha güclü modellərə pulsuz çıxışın məhdudlaşdırılmasıdır.
Geri dön