İki ölkə arasında yeni böhran: Sərhədi bir neçə addım keçən silahsız sakinlər HƏDƏF ALINDI
Bu gün, 15:30. Yazar: vasif
Hindistan və Pakistan arasında Pəncab ştatı ərazisindən keçən dövlət sərhədində qanlı insident yaşanıb.
aia.az xəbər verir ki, Hindistan sərhədçiləri iki Pakistan vətəndaşını güllələyərək öldürüb, daha bir nəfəri isə ağır yaralayıblar. Bu barədə hər iki ölkənin kütləvi informasiya vasitələri məlumat yayıb.
Pakistan tərəfinin verdiyi rəsmi məlumata görə, həlak olan və yaralanan şəxslər tamamilə silahsız mülki sakinlər olublar. Onların yalnız sərhəd nişanını bir neçə addım keçdikləri və dərhal Hindistan hərbçilərinin açdığı birbaşa atəşə məruz qaldıqları bildirilir.
Hadisə iki nüvə dövləti arasında onsuz da həssas olan sərhəd təhlükəsizliyi məsələsini və diplomatik gərginliyi yeniden pik həddə çatdırıb.
Geri dön