Toydan bir neçə saat sonra dəhşətli faciə: Gəlin evində ölü tapıldı
Bu gün, 19:00. Yazar: vasif
Polşanın Opole voyevodalığının Skoroqoşe kəndində toy mərasimindən cəmi bir neçə saat sonra 41 yaşlı qadın evində ölü tapılıb. Onun 47 yaşlı əri qətldə şübhəli bilinərək saxlanılıb.
Polisin məlumatına görə, səhər saat 04:00-dan sonra ailədaxili münaqişə barədə məlumat daxil olub. Hadisə yerinə gələn əməkdaşlar binada qadının cəsədini aşkarlayıblar. Tibb işçiləri onun öldüyünü təsdiqləyiblər.
Hadisə yerində müxtəlif izlər və cinayətdə istifadə oluna biləcəyi ehtimal edilən əşyalar götürülüb, şahidlər dindirilib. Qadının cəsədi ölümün dəqiq səbəbinin müəyyənləşdirilməsi üçün məhkəmə-tibbi ekspertizaya göndərilib.
Yerli məlumatlarda qadının balta zərbələri nəticəsində öldürülmüş ola biləcəyi bildirilir. Cütlüyün bir neçə ildir birlikdə olduğu və hadisədən əvvəl şəxsi mərasimlə evləndiyi qeyd olunur.
47 yaşlı kişi hazırda iş üzrə şübhəli şəxsdir. İstintaq yekunlaşmadığından hadisənin dəqiq şəraiti və kişinin təqsiri barədə son hüquqi qərarı məhkəmə verəcək.
Geri dön