Sərvət ən çox bu ölkələrdə bir əldə cəmləşib: Rusiya və BƏƏ ön sıralardadır
Bu gün, 20:00. Yazar: vasif
Dünyada sərvətin əhali arasında bölüşdürülməsində böyük fərqlər qalmaqdadır. 2025-ci ilin yekunlarına dair təqdim olunan göstəricilərə əsasən, Rusiya və Birləşmiş Ərəb Əmirlikləri sərvət bərabərsizliyinin yüksək olduğu ölkələr sırasında yer alıb.
Hər iki ölkə üzrə sərvət Cini indeksinin 82 bənd olduğu bildirilir. Bu göstəricinin yüksək olması əmlak və maliyyə sərvətinin əhalinin nisbətən kiçik hissəsinin əlində daha çox cəmləşdiyini ifadə edir.
ABŞ-da isə göstəricinin 77 bənd olduğu və ölkənin yüksək sərvət bərabərsizliyi ilə seçilən dövlətlər sırasında qərarlaşdığı qeyd edilir. Digər tərəfdən, sərvət bölgüsünün daha bərabər olduğu ilk 10 ölkədən altısının Avropada yerləşdiyi bildirilir.
Cini indeksi iqtisadi bərabərsizliyi ölçmək üçün istifadə olunan göstəricilərdən biridir. 0-a yaxın nəticə daha bərabər, 100-ə yaxın göstərici isə daha qeyri-bərabər bölgünü ifadə edir. Sərvət üzrə Cini indeksi gəlir bərabərsizliyi göstəricisi ilə eyni anlayış deyil və ölkələr müqayisə edilərkən bu fərq nəzərə alınmalıdır.
Geri dön