Dondurulmuş məhsullarda bu səhvə yol verməyin: Keyfiyyəti poza bilər
Bu gün, 18:14. Yazar: vasif
Dondurulmuş meyvə və tərəvəzlər düzgün saxlanıldıqda təhlükəsiz və faydalı qidalar hesab olunur. Lakin onların saxlanma temperaturunun pozulması və əridikdən sonra yenidən dondurulması müəyyən risklər yarada bilər.
Endokrinoloq və dietoloq Anton Polyakov bildirib ki, xüsusilə soyuducu və ya dondurucuda nasazlıq baş verdikdə məhsulların hansı müddətdə və hansı temperaturda qaldığına diqqət yetirmək lazımdır.
Mütəxəssis əridilmiş meyvə və tərəvəzlərin səbəbsiz yerə təkrar-təkrar dondurulmasını məsləhət görmür. Belə proses məhsulun teksturasını və keyfiyyətini pisləşdirə, bəzi qida maddələrinin azalmasına səbəb ola bilər.
Əsas təhlükəsizlik məsələsi isə məhsulun ərimiş vəziyyətdə nə qədər və hansı temperaturda qalmasıdır. Uzun müddət isti şəraitdə saxlanmış məhsulu sadəcə yenidən dondurmaq onu avtomatik olaraq təhlükəsiz etmir.
Geri dön