Paşinyan müxalifətə: Qarabağdan gələnləri evinizə aparın – İkinci dövlətə cəhd edəni...
Dünən, 23:33. Yazar: vasif
Ermənistanın baş naziri Nikol Paşinyan Qarabağdan köçən və yaşayış yeri olmayan ermənilərlə bağlı müxalifətin iradlarına sərt cavab verib.
aia.az xəbər verir ki, Paşinyan parlamentdə “Güclü Ermənistan” Partiyasından deputat Areq Ovsepyanın çıxışına reaksiya verib. Deputat yaşayış yeri olmadığı üçün İrəvandakı keçmiş qondarma rejimin “nümayəndəliyi”nin binasına köçmək məcburiyyətində qalan çoxuşaqlı ailənin vəziyyətini xatırladıb.
Paşinyan müxalifət nümayəndələrinə həmin insanları öz evlərində yerləşdirməyi təklif edib.
Baş nazir bildirib ki, İrəvandan kənarda boş yaşayış yerləri var və Ermənistan hökuməti Qarabağdan köçən ermənilərə sosial dəstək göstərilməsi ilə məşğul olmağa davam edir.
Paşinyan eyni zamanda müxalifətin diqqəti yalnız Qarabağdan köçən evsiz ermənilərin üzərinə yönəltməsindən narazılığını bildirib. Onun sözlərinə görə, Ermənistanda yaşayış yeri olmayan başqa insanlar da var.
Keçmiş qondarma rejimin İrəvandakı “nümayəndəliyi”nin binasına toxunan Paşinyan onun birmənalı şəkildə dövlətin balansına keçəcəyini bildirib.
Baş nazir bunun ardınca sərt xəbərdarlıq edib:
“Ermənistanda iki dövlət, iki hökumət ola bilməz. Dövlət daxilində ikinci dövlət, ikinci hökumət və ya ikinci parlament formalaşdırmaq üçün bütün cəhdlərin qarşısını ən sərt üsullarla alacağam”.
Geri dön