Yəməndə savaşın miqyası böyüyür: Hökumətdən regional təhlükəsizlik xəbərdarlığı
Bu gün, 19:00. Yazar: vasif
Yəməndə hökumət qüvvələri ilə İranın dəstəklədiyi “Ənsarullah” hərəkatı – husilər arasında davam edən qarşıdurmanın artıq ölkə sərhədlərini aşan təhlükəyə çevrildiyi bildirilir.
Yəmənin beynəlxalq səviyyədə tanınmış hökumətinin baş naziri Şaya Möhsün əl-Zindani bildirib ki, husilərin hərbi fəaliyyətinin intensivləşməsinə yalnız daxili silahlı münaqişə kimi yanaşmaq mümkün deyil. Onun sözlərinə görə, Tehranın husilərə verdiyi dəstək fonunda baş verən eskalasiya regional təhlükəsizliyə və beynəlxalq maraqlara təsir göstərir.
Baş nazir husilərin Səudiyyə Ərəbistanına istiqamətlənən hücumlarının da Yəmənin Qırmızı dəniz sahillərində gedən döyüşlərdən ayrı qiymətləndirilməməli olduğunu vurğulayıb.
Beləliklə, Yəmən hökuməti ölkədəki qarşıdurmanı getdikcə daha geniş regional münaqişənin tərkib hissəsi kimi təqdim edir və eskalasiyanın Yaxın Şərqin təhlükəsizliyinə təsir edə biləcəyi barədə xəbərdarlıq edir.
Geri dön