İrandan "atom bombası" qərarı gəlir – Nüvə sazişindən çıxış üçün təcili layihə hazırlandı
Bu gün, 12:30. Yazar: vasif
İranda nüvə siyasətinin kökündən dəyişdirilməsi ilə bağlı son dərəcə sərt çağırış edilib.
aia.az xəbər verir ki, İran parlamentinin deputatı Hüseynəli Hacı-Deliqani ölkənin Nüvə Silahlarının Yayılmaması haqqında Müqavilədən (NPT) çıxmasını və nüvə silahı üçün zəruri sınaqların mümkün qədər tez keçirilməsini istəyib.
Deputat bildirib ki, NPT-dən çıxmaq üçün üçqat təcili qanun layihəsi artıq hazırlanıb və bir qrup parlament üzvü tərəfindən imzalanıb. Layihə parlament rəhbərliyinin razılığı ilə səsverməyə çıxarıla bilər.
Hacı-Deliqani daha sərt çağırış edərək bildirib ki, İran “nüvə silahı üçün lazım olan sınaqları mümkün qədər tez keçirməlidir”. Onun sözlərinə görə, ölkənin nüvə çəkindirmə gücünə ehtiyacı var və mövcud şəraitdə nüvə silahına sahib olmaq zərurətə çevrilib.
İsrailin “Channel 14” kanalı isə bu açıqlamanı İranın NPT-dən çıxmağa və nüvə bombası sınağı keçirməyə hazırlaşması kimi təqdim edib.
Geri dön