Berlindən Moskvaya gözlənilməz mesaj: Putinlə birbaşa danışıqlara yaşıl işıq
Bu gün, 19:30. Yazar: vasif
Almaniyanın xarici işlər naziri Yohan Vadeful Rusiya ilə münasibətlər və Ukrayna müharibəsinin dayandırılması ilə bağlı diqqətçəkən açıqlama verib. Nazir Avropa dövlətlərinin müəyyən şərtlər daxilində Rusiya Prezidenti Vladimir Putinlə birbaşa dialoqa hazır olduğunu bildirib.
Vadefulun sözlərinə görə, əsas şərt Moskvanın müharibənin dayandırılması istiqamətində ciddi və nəticəyə hesablanmış danışıqlara hazır olmasıdır. Əgər Rusiya rəhbərliyi bu istiqamətdə real addım atarsa, Avropa tərəfinin də danışıqlara qoşulması mümkündür.
Almaniya XİN rəhbəri gərginliyin mərhələli şəkildə azaldılmasına yönələn təşəbbüsləri də dəstəkləyib. Onun fikrincə, ilk addımlardan biri Qara dənizdə mümkün atəşkəs rejiminin yaradılması ola bilər.
Belə bir mexanizm işlək nəticə verərsə, sonrakı mərhələdə atəşkəsin energetika infrastrukturu obyektlərinə hücumların dayandırılmasını da əhatə etməsi nəzərdən keçirilə bilər. Bu yanaşma genişmiqyaslı siyasi razılaşmadan əvvəl qarşıdurmanın ayrı-ayrı istiqamətlərdə zəiflədilməsini nəzərdə tutur.
Berlindən səslənən bəyanat Avropanın Rusiya ilə dərhal münasibətləri normallaşdırmağa hazırlaşması demək deyil. Bununla belə, Putinlə birbaşa dialoq ehtimalının açıq şəkildə gündəmə gətirilməsi Ukrayna müharibəsinin diplomatik yolla dayandırılması üçün Avropada yeni müzakirələrin başlaya biləcəyini göstərən mühüm siyasi siqnaldır.
Geri dön