Moskva Paşinyanı gözləyir: Kreml səfərin anonsunu verdi
Bu gün, 20:33. Yazar: vasif
Ermənistanın Baş naziri Nikol Paşinyanın yaxın vaxtlarda Rusiyaya səfər edəcəyi gözlənilir. Bununla bağlı açıqlamanı Kremlin sözçüsü Dmitri Peskov verib.
Peskov bildirib ki, səfərin konkret tarixi hələ razılaşdırılmayıb. Bununla belə, Paşinyanın Moskvaya səfərinin cari ilin sonunadək baş tutması nəzərdə tutulur və tərəflər görüşün təşkili üzərində işləyirlər.
Gözlənilən təmas Rusiya-Ermənistan münasibətlərinin həssas mərhələdən keçdiyi bir vaxta təsadüf edir. Son dövrdə İrəvanın Qərblə əlaqələrini genişləndirməsi fonunda Moskva ilə münasibətlərdə yaranan fikir ayrılıqları iki ölkə arasında siyasi dialoqu xüsusilə diqqət mərkəzinə gətirib.
Səfər baş tutacağı təqdirdə ikitərəfli münasibətlər, iqtisadi əməkdaşlıq və regional proseslərin əsas müzakirə mövzuları sırasında olacağı gözlənilir. Paşinyanın Moskva görüşünün Rusiya-Ermənistan münasibətlərində yeni mərhələnin başlanğıcı olub-olmayacağı isə danışıqların nəticəsindən asılı olacaq.
Geri dön