Maduro ABŞ məhkəməsinə qarşı hərəkətə keçdi: Bütün ittihamların ləğvini istəyir
Bu gün, 20:15. Yazar: vasif
Venesuela Prezidenti Nikolas Maduro ABŞ-da ona qarşı irəli sürülmüş ittihamların ləğv edilməsini tələb edib. Müdafiə tərəfi Nyu-Yorkun Cənub Dairəsi üzrə federal məhkəməsinə müraciət edərək narkoterrorizm və narkotik qaçaqmalçılığı ilə bağlı ittihamların hüquqi əsaslarının olmadığını bildirib.
Maduronun vəkilləri əsas arqumentlərdən biri kimi onun suveren dövlətin başçısı statusunu göstərirlər. Müdafiə tərəfi həmçinin Maduronun narkotik ticarəti ilə əlaqəsini və terror fəaliyyəti ilə məşğul olan şəxsləri dəstəkləmək niyyətində olması barədə iddiaları qəti şəkildə rədd etdiyini vurğulayıb.
Vəkillərin mövqeyinə görə, ittiham tərəfi iddia olunan əməllərlə ABŞ arasında kifayət qədər hüquqi əlaqə olduğunu, eləcə də həmin fəaliyyətin ABŞ-a, onun vətəndaşlarına və ya maraqlarına zərər vurmaq məqsədi daşıdığını sübut edə bilmir. Müdafiə həmçinin ABŞ qanunlarının ölkə xaricində törədildiyi iddia edilən əməllərə bu formada tətbiqinin mübahisəli olduğunu bildirir.
ABŞ Prezidenti Donald Tramp isə daha əvvəl Maduronun əlavə ittihamlarla üzləşə biləcəyini söyləyib. O, Maduro və həyat yoldaşı Siliya Flores haqqında ağır cinayət ittihamlarının olduğunu bildirib.
Beləliklə, Maduronun müdafiəsi artıq ittihamların mahiyyəti ilə yanaşı, ABŞ məhkəməsinin bu iş üzrə hüquqi səlahiyyətlərini də mübahisələndirməyə çalışır. Son qərarı isə federal məhkəmə verəcək.
Geri dön