İki türk gəmisi toqquşdu -
Bu gün, 11:17. Yazar: Subhan
Silivridən 18 mil cənubda iki Türkiyə bayrağı altında üzən ticarət gəmisi toqquşub.
aia.az xəbər verir ki, qəzadan sonra "Alsu" ticarət gəmisində heç bir zədə aşkarlanmasa da, digər gəmi "Tuğberk İmamoğlu"nun batdığı bildirilib. Gəmidə olan 10 heyət üzvündən xəbər yoxdur.
***10:07
Mərmərə dənizində Silivri sahillərində Türkiyə bayrağı altında üzən iki ticarət gəmisi - "Alsu" və "Tuğberk İmamoğlu" toqquşub.
aia.az Türkiyə mətbuatına istinadən xəbər verir ki, Kocaelidən Əliağa limanı istiqamətində Türkiyə bayrağı altında üzən "Alsu" ticarət gəmisi İsgəndərun limanından Karadenizereğliyə gedən Türkiyə bayrağı altında üzən "Tuğberk İmamoğlu" ticarət gəmisi ilə toqquşub.
Qəzadan sonra əraziyə Sahil Mühafizəsi və Mərmərə və Boğazlar Komandanlığından çoxsaylı dəniz qüvvələri bölmələri, eləcə də sahil mühafizəsinin helikopterləri göndərilib.
Komandalar tərəfindən aparılan ilkin yoxlamalar "Alsu" ticarət gəmisində heç bir görünən zədə aşkar etməyib.
Lakin "Tuğberk İmamoğlu" adlı ticarət gəmisi və göyərtədəki 10 heyət üzvü ilə əlaqənin qurulmadığı bildirilib. Ərazidə hava və dəniz yolu ilə axtarış-xilasetmə əməliyyatları davam edir.
aia.az
Geri dön