Kreml danışıqlar qapısının bağlandığını elan etdi: Moskva cəbhəni göstərdi
Bu gün, 21:00. Yazar: vasif
Rusiya ilə Ukrayna arasında mümkün sülh danışıqlarında ciddi durğunluq yaranıb. Kremlin sözçüsü Dmitri Peskov hazırda danışıqların faktiki olaraq dayandığını və tərəfləri yaxınlaşdıra biləcək yeni təşəbbüsün olmadığını bildirib.
Peskov vəziyyəti “dərin pauza” kimi xarakterizə edib. Onun sözlərinə görə, Kiyev Moskvanın irəli sürdüyü tələbləri bilir, lakin Rusiya tərəfinin mövqeyinə əsaslanan müzakirələrə getmək istəmir.
Kreml rəsmisi məhz bu vəziyyətlə əlaqədar Rusiya ordusunun hərbi əməliyyatları davam etdirdiyini və cəbhədə üstünlük əldə etməyə çalışdığını söyləyib.
Beləliklə, Moskvanın son bəyanatı yaxın perspektivdə diplomatik prosesin bərpasına dair gözləntilərin zəiflədiyini, Rusiya-Ukrayna qarşıdurmasında əsas ağırlığın yenidən döyüş meydanına keçdiyini göstərir.
Geri dön