Lavrovdan diqqətçəkən etiraf: “Səngərdə yanımızda yalnız Şimali Koreya vardı”
Bu gün, 20:16. Yazar: vasif
Rusiya xarici işlər naziri Sergey Lavrov Ukrayna müharibəsində Moskvanın hərbi müttəfiqləri ilə bağlı diqqətçəkən açıqlama verib. Onun sözlərinə görə, Rusiya qüvvələri ilə eyni səngərdə döyüşən yeganə xarici ölkənin hərbçiləri Şimali Koreyadan olub.
Lavrov Ukraynadakı qarşıdurmanın miqyasından danışarkən digər ölkələrin böyük hissəsinin Rusiyanın deyil, qarşı tərəfin yanında yer aldığını bildirib. Bununla da Moskva-Pxenyan hərbi əməkdaşlığının xüsusi xarakter daşıdığını vurğulayıb.
Şimali Koreya hərbçilərinin Rusiya tərəfində döyüşlərdə iştirakı artıq açıq şəkildə etiraf edilən faktdır. Rusiya 2025-ci ilin aprelində Şimali Koreya qüvvələrinin Kursk vilayətindəki döyüşlərdə iştirakını rəsmən təsdiqləmişdi. 2026-cı ildə Pxenyanda keçirilən tədbirlərdə də Rusiya və Şimali Koreya qüvvələrinin “çiyin-çiyinə” döyüşdüyü açıq şəkildə vurğulanıb. (united24media.com)
Lavrovun açıqlaması Moskva ilə Pxenyan arasında münasibətlərin artıq siyasi və diplomatik tərəfdaşlıqdan çıxaraq birbaşa hərbi əməkdaşlıq səviyyəsinə yüksəldiyini göstərən növbəti mesaj kimi qiymətləndirilir.
Geri dön