İsraildən HƏMAS-a ağır zərbə – Sinvarın keçmiş mühafizəçisi öldürüldü
Dünən, 16:43. Yazar: vasif
İsrail ordusu Qəzza zolağının cənubunda keçirdiyi hava əməliyyatlarında HƏMAS-ın iki üzvünün öldürüldüyünü açıqlayıb. Əməliyyatların Xən Yunis yaxınlığında həyata keçirildiyi bildirilir.
ÇAXAL-ın məlumatına görə, zərbələrdən birində HƏMAS-ın “Nuxba” xüsusi təyinatlı qüvvələrinin üzvü Hazem Musa öldürülüb. İsrail tərəfi onun 7 oktyabr 2023-cü il hücumlarında iştirak etdiyini bildirir.
Digər hava zərbəsinin hədəfi isə Razek Sahil Suleyman Abu Şahma olub. İsrail ordusunun iddiasına görə, o, Reim hərbi bazasına hücumda iştirak edib və sonradan HƏMAS-ın keçmiş lideri Yəhya Sinvarın şəxsi mühafizəçisi kimi fəaliyyət göstərib.
İsrail tərəfinin açıqladığı bu məlumatlar HƏMAS tərəfindən hələlik ayrıca təsdiqlənməyib.
Geri dön