Simonyandan sensasion bəyanat: "Erməni xalqı 2020-ci ildəki mövqeyinə görə Rusiyadan incikdir"
Bu gün, 22:00. Yazar: vasif
Yaxın vaxtlarda Ermənistanda Avropa İttifaqına (Aİ) və ya Avrasiya İqtisadi İttifaqına (AVRAŞİA/EƏİB) üzvlük məsələsi ilə bağlı referendum keçiriləcəyi təqdirdə, səsvermənin nəticələri Moskva üçün böyük təəssüf və narahatlıq doğura bilər.
aia.az xəbər verir ki, bu barədə Ermənistan Təhlükəsizlik Şurasının katibi Alen Simonyan bəyanatla çıxış edib.
Simonyanın sözlərinə görə, hətta mövcud iqtidar partiyasına səs verməyən vətəndaşlar belə Rusiyanın 2020-ci il İkinci Qarabağ müharibəsi zamanı və ondan sonrakı proseslərdə nümayiş etdirdiyi mövqeyə görə kəskin narazıdırlar. İrəvan rəsmisi vurğulayıb ki, rusiyalı jurnalistlərin, ictimai və dövlət xadimlərinin, habelə Belarus rəhbərliyinin Ermənistan əleyhinə səsləndirdiyi təhqiramiz bəyanatlar erməni cəmiyyətində ciddi inciklik və anti-Rusiya əhval-ruhiyyəsi formalaşdırıb.
Təhlükəsizlik Şurasının katibi əlavə edib ki, bu amillər referendum keçiriləcəyi təqdirdə xalqın seçimini birbaşa şərtləndirəcək və sorğuların nəticələri Ermənistanın Qərbə inteqrasiya kursunu birmənalı şəkildə ortaya qoyacaq.
Geri dön