Elşad Mirbəşiroğlu:
Bu gün, 16:22. Yazar: azer
Yerli mediada Rusiyada biznes qurmaq istəyən keçmiş deputat Elşad Mirbəşiroğlunun dələduzluq iddiası ilə üzləşdiyi bildirilir. Məlumata görə, Moskvadakı “Food City” bazarında buzlu kola satışı biznesi qurmaq məqsədilə 50 min manat ödəyən keçmiş deputatın nə biznesi baş tutub, nə də vəsaiti geri qaytarılıb. Hadisə ilə bağlı araşdırma aparılıb və biznesi təşkil etməli olduğu deyilən Gülnar Soltanovaya qarşı Cinayət Məcəlləsinin 178-ci maddəsi ilə ittiham irəli sürülüb.
Sabiq deputat Elşad Mirbəşiroğlu yayılan məlumatla bağlı aia.az-a açıqlamasında bildirib ki, sözügedən iddiaların heç bir əsası yoxdur:
“Mətbuatda yayılan məlumatla mətbuatda rastlaşdım. Vallah, bizneslə yaxından-uzaqdan heç bir əlaqəm yoxdur. Ümumiyyətlə, o işləri də mən bacarmıram. Təəssüf edirəm, haqqımda bəzən belə müxtəlif yazılar yazılır. Yəni, heç bir həqiqətə uyğun deyil. Mənim bu məsələyə heç bir əlaqəm yoxdur”.
Aysel Elnur
aia.az
Geri dön