Kimin evində varsa, VARLANACAQ - Qiyməti 5 min dollara çatır
Bu gün, 10:53. Yazar: vasif
ABŞ-də iyul ayı üzrə açıqlanan əmək bazarı göstəriciləri gözləntilərdən xeyli zəif olub. Bu məlumatların ardınca qızıl və gümüş qiymətlərində kəskin yüksəliş qeydə alınıb.
aia.az xəbər verir ki, ABŞ-də kənd təsərrüfatından kənar məşğulluq iyul ayında 23 min nəfər azalıb. Halbuki bazar iştirakçıları 80 min nəfərlik artım gözləyirdi. İyun ayında isə 20 min nəfərlik artım qeydə alınmışdı.
İşsizlik səviyyəsi də 4,2 faizdən 4,1 faizə geriləyib. Bu göstəricinin 4,2 faiz olacağı proqnozlaşdırılırdı.
Zəif məşğulluq göstəriciləri ABŞ iqtisadiyyatında yavaşlama ehtimallarını artırıb. Bunun fonunda qiymətli metallara maraq güclənib.
Məlumata görə, bir unsiya qızılın qiyməti 15:49-da 4 371 dollara yüksəlib. Qram qızıl isə 140 dollara qədər bahalaşıb. Kapalıçarşıda qram qızılın qiyməti 6 718 lirəyə çatıb.
ABŞ əmək bazarından gələn zəif göstəricilər Federal Ehtiyat Sisteminin gələcək faiz siyasəti ilə bağlı gözləntiləri də dəyişib. Bazar iştirakçıları Fed-in sentyabr iclasında faiz artımına getməsi ehtimalını əvvəlkindən daha zəif qiymətləndirirlər.
Bununla belə, Sent-Luis Federal Ehtiyat Bankının rəhbəri Alberto Musalem faizlərin gecikdirilmədən, mərhələli şəkildə artırılmasını müdafiə edib.
Qızıldakı yüksəliş fonunda böyük maliyyə qurumları da qiymət proqnozlarını yeniləyirlər. İsveçrənin UBS bankı qızılın 2027-ci ilin ilk yarısında bir unsiya üçün 5 min dollara qədər yüksələ biləcəyini proqnozlaşdırıb.musavat.com
Geri dön