Zonquldakda polis üç Azərbaycan vətəndaşına xəbərdarlıq edib
Bu gün, 17:00. Yazar: vasif
Türkiyənin Zonquldak şəhərində məhkəmə binasının qarşısındakı parkda ictimai asayişlə bağlı daxil olan məlumat əsasında polis əməkdaşları əraziyə cəlb olunub.
Məlumata görə, 112 Təcili Yardım Mərkəzinə gündüz saatlarında parkda üç nəfərin spirtli içki qəbul etdiyi barədə müraciət daxil olub. Bundan sonra polis hadisə yerində araşdırma aparıb.
Yoxlama zamanı həmin şəxslərin gəmi ilə Zonquldaka gəlmiş Azərbaycan vətəndaşları olduğu müəyyən edilib. İlkin məlumata əsasən, onların gəmi heyətinin üzvləri olduğu ehtimal olunur.
Polis əməkdaşları şəxslərin sənədlərini və şəxsiyyətlərini yoxladıqdan sonra onlara ictimai qaydalara riayət etmələri barədə xəbərdarlıq edib və park ərazisindən uzaqlaşdırıblar.
Hadisə ilə bağlı hər hansı inzibati cərimə və ya digər hüquqi tədbirin tətbiq olunub-olunmadığı barədə rəsmi məlumat açıqlanmayıb.
Geri dön