Türkiyədə gözlənilməz həbs: İqtidara yaxınlığı ilə tanınan jurnalist saxlanıldı
Bu gün, 00:39. Yazar: vasif
Türkiyədə iqtidara yaxınlığı ilə tanınan jurnalist Cem Küçük həbs olunub
aia.az Türkiyə mediasına istinadən xəbər verir ki, uzun illər TGRT Haber-də aparıcı və siyasi şərhçi kimi fəaliyyət göstərən Cem Küçük İstanbul Cumhuriyyət Baş Prokurorluğunun apardığı istintaq çərçivəsində saxlanılıb.
Məlumata görə, ona qarşı "xalqı yanıltıcı məlumatı açıq şəkildə yayma" və "şantaj" ittihamları irəli sürülüb. Prokurorluğun göstərişi əsasında onun saxlanılması ilə bağlı əməliyyat həyata keçirilib.
Cem Küçükün saxlanılması Türkiyə ictimaiyyəti üçün gözlənilməz hadisə kimi qiymətləndirilir. O, uzun illər hökumətin siyasətini açıq şəkildə müdafiə edən çıxışları və şərhləri ilə tanınırdı.
Geri dön