Tramp Vaşinqtonun Dallas hava limanı üçün 22,5 milyard dollarlıq yenidənqurma planı açıqlayıb
Bu gün, 19:11. Yazar: vasif
ABŞ Prezidenti Donald Tramp Vaşinqton yaxınlığında yerləşən Dallas Beynəlxalq Hava Limanının (IAD) genişmiqyaslı yenidən qurulmasını nəzərdə tutan 22,5 milyard dollarlıq layihə təklif edib.
Layihəyə əsasən, hava limanının memarlıq görünüşü və tarixi üslubu qorunacaq, eyni zamanda sərnişinlər üçün nəqliyyat və hərəkət imkanları əhəmiyyətli dərəcədə yaxşılaşdırılacaq.
Plana görə, hazırda sərnişinlərin terminallar arasında istifadə etdiyi və tez-tez tənqid olunan avtobus sisteminin mərhələli şəkildə ləğv edilməsi nəzərdə tutulur. Onun əvəzində piyada tunelləri, hərəkətli piyada zolaqları (travelatorlar), terminalları birləşdirən yeraltı qatar xətti və müasir şüşə keçidlər inşa ediləcək.
Layihənin əsas məqsədi hava limanında sərnişin axınının sürətləndirilməsi, rahatlığın artırılması və infrastrukturun müasir tələblərə uyğunlaşdırılmasıdır. Planın həyata keçirilməsi ilə bağlı maliyyələşdirmə və icra qrafiki barədə hələlik əlavə rəsmi məlumat açıqlanmayıb.
Geri dön