Zelenski ABŞ-da Trampla və Konqres nümayəndələri ilə görüşlər keçirəcək
Bu gün, 13:00. Yazar: vasif
Ukrayna Prezidenti Volodimir Zelenski ABŞ-a səfəri çərçivəsində bu gün bir sıra yüksək səviyyəli görüşlər keçirəcəyini açıqlayıb. O, proqramın əsas hissəsinin ABŞ Prezidenti Donald Tramp və administrasiya nümayəndələri ilə danışıqlardan ibarət olacağını bildirib.
Zelenski Telegram hesabında paylaşdığı məlumatda qeyd edib ki, görüşlərdə əsas prioritetlər Ukraynanın hava və raketdən müdafiə imkanlarının gücləndirilməsi, xüsusilə anti-ballistik müdafiə sistemləri və ABŞ ilə strateji əməkdaşlıq məsələləri olacaq. Onun sözlərinə görə, müzakirələr sülhə nail olunması istiqamətində də əhəmiyyət daşıyır.
Ukrayna Prezidenti həmçinin bildirib ki, səfər zamanı bütün Ukrayna adından vəfat etmiş ABŞ senatoru Lindsi Qrehemin xatirəsi yad ediləcək.
Ağ Evin açıqladığı proqramına əsasən, Donald Trampla Volodimir Zelenski arasında görüşün yerli vaxtla saat 09:30-da Oval kabinetdə və mətbuat nümayəndələrinin iştirakı olmadan keçirilməsi nəzərdə tutulur.
Bundan əlavə, The Washington Post qəzetinin məlumatına görə, Zelenskinin ABŞ Konqresində, Kapitoli təpəsində senatorlarla da görüşlər keçirməsi planlaşdırılır. ABŞ və Ukrayna tərəfləri danışıqların gündəliyi ilə bağlı hələlik əlavə rəsmi məlumat açıqlamayıblar.
Geri dön