Zelenskinin ABŞ-a səfəri və Trampla görüşü planlaşdırılır
Bu gün, 12:31. Yazar: vasif
Ukrayna Prezidenti Volodimir Zelenskinin gələn həftə ABŞ-a səfər edəcəyi və bu çərçivədə Prezident Donald Trampla görüşünün planlaşdırıldığı bildirilir. Bu barədə Ukraynanın "Suspilne" nəşri məlumat yayıb.
Nəşrin yazdığına görə, səfərin iyulun 28-nə nəzərdə tutulduğu bildirilir. Məlumata əsasən, Zelenskinin ABŞ-da keçiriləcək tədbirlərdə iştirak etməsi və Donald Trampla bir araya gəlməsi gözlənilir.
Xəbərdə qeyd olunur ki, görüş zamanı Rusiya-Ukrayna müharibəsinin gedişi, cəbhədəki vəziyyət, sülh perspektivləri və Ukraynaya göstərilən hərbi dəstək məsələlərinin müzakirə ediləcəyi gözlənilir. Bununla bağlı tərəflər hələlik rəsmi gündəlik açıqlamayıblar.
Donald Tramp son açıqlamalarında Rusiya-Ukrayna müharibəsinin dayandırılması istiqamətində səylər göstərdiyini bildirib və münaqişənin başa çatmasının vacibliyini vurğulayıb.
Volodimir Zelenski isə daha əvvəl açıqlamalarında Donald Trampla münasibətlərdə dönüş nöqtəsinin 2025-ci ilin aprelində Vatikanda keçirilən qısa şəxsi görüş zamanı yarandığını demişdi. Onun sözlərinə görə, həmin görüş iki lider arasında dialoqun inkişafına müsbət təsir göstərib.
Qeyd edək ki, Zelenskinin ABŞ-a səfəri və Donald Trampla görüşü barədə yayılan məlumatlar hələlik "Suspilne" nəşrinin məlumatına əsaslanır və bununla bağlı Ağ Ev və ya Ukrayna Prezident Administrasiyası tərəfindən rəsmi təsdiq açıqlanmayıb.
Geri dön