Tramp Böyük Britaniyanın Baş naziri Endi Börnhemlə telefon danışığı aparıb
Bu gün, 11:28. Yazar: vasif
ABŞ Prezidenti Donald Tramp Böyük Britaniyanın Baş naziri Endi Börnhemlə telefon danışığı keçirdiyini açıqlayıb. Bu barədə o, özünün Truth Social platformasındakı paylaşımında məlumat verib.
Trampın sözlərinə görə, tərəflər regional təhlükəsizlik və ikitərəfli əməkdaşlıqla bağlı bir sıra məsələləri müzakirə ediblər. Danışıq zamanı Hörmüz boğazındakı vəziyyət, Şimal dənizində enerji resursları, ticarət əlaqələri və hərbi əməkdaşlıq gündəmdə olub.
ABŞ Prezidenti bildirib ki, söhbət zamanı həmçinin Hörmüz boğazında gəmiçiliyin təhlükəsizliyi və boğazın minalardan təmizlənməsi məsələsinə də toxunulub. Onun sözlərinə görə, Vaşinqton və London bu kimi mövzularda sıx əməkdaşlığı davam etdirmək niyyətindədir.
Tramp yaxın vaxtlarda Böyük Britaniyanın Baş naziri ilə şəxsən görüşməyi planlaşdırdığını da qeyd edib. O, Börnhemin qarşısında mühüm vəzifələrin dayandığını bildirərək, ABŞ-ın müttəfiqi olan Böyük Britaniya ilə əməkdaşlığı davam etdirməyə hazır olduğunu vurğulayıb.
Telefon danışığı ABŞ və Böyük Britaniya arasında siyasi, iqtisadi və təhlükəsizlik sahələrində əməkdaşlığın davam etdirilməsi istiqamətində keçirilən yüksək səviyyəli təmaslardan biri kimi qiymətləndirilir.
Geri dön