Əhmədinejadın "Mossad tərəfindən qaçırılması" iddiasına rəsmi cavab
Bu gün, 18:43. Yazar: vasif
İranın sabiq prezidenti Mahmud Əhmədinejadın ofisi onun İsrailin xarici kəşfiyyat xidməti "Mossad" tərəfindən qaçırıldığı barədə yayılan iddiaları qəti şəkildə təkzib edib.
Rəsmi açıqlamada bildirilib ki, bu xəbərlər həqiqəti əks etdirmir və ictimai rəyi çaşdırmağa yönəlmiş dezinformasiya xarakteri daşıyır. Ofis vurğulayıb ki, Mahmud Əhmədinejad əvvəlki kimi gündəlik fəaliyyətini davam etdirir.
Bəyanatda qeyd olunub ki, yayılan iddialara normal şəraitdə cavab verməyə ehtiyac görülməzdi. Lakin ölkədəki həssas vəziyyət və müxtəlif spekulyasiyaların qarşısını almaq məqsədilə rəsmi açıqlama verilməsi qərara alınıb.
İddialar bəzi xarici media orqanlarında yer alan, Əhmədinejadın guya İsrail nümayəndələri ilə gizli görüşlər keçirdiyi və sonradan ev həbsində saxlanıldığı barədə dərc olunan məlumatlardan sonra gündəmə gəlib.
Qeyd edək ki, bu iddialarla bağlı müstəqil təsdiq təqdim olunmayıb. İranın sabiq prezidentinin ofisi xəbərlərin tamamilə əsassız olduğunu bildirərək bütün iddiaları rədd edib.
Geri dön