Husilərdən Səudiyyə Ərəbistanına raket hücumu: 4 illik sakitlik pozulur?
Bu gün, 18:14. Yazar: vasif
Yəməndə fəaliyyət göstərən husilər Səudiyyə Ərəbistanının cənubundakı Əbha Beynəlxalq Hava Limanına raket hücumu həyata keçirdiklərini açıqlayıblar. Onlar bunu Sənə hava limanına endirilən zərbələrə cavab olaraq qiymətləndiriblər.
Səudiyyə Ərəbistanı rəsmiləri isə hücum zamanı buraxılan raketlərin hava hücumundan müdafiə sistemləri tərəfindən zərərsizləşdirildiyini və insidentin ciddi nəticələrə səbəb olmadığını bildiriblər.
Məlumata görə, bu, 2022-ci ildən bəri husilərin Səudiyyə Ərəbistanı ərazisini hədəf alan ilk belə hücumudur. Hadisə son illərdə qüvvədə olan qeyri-rəsmi atəşkəsin gələcəyi ilə bağlı narahatlıqları artırıb.
Müşahidəçilər hesab edirlər ki, gərginliyin davam etməsi Yəməndə münaqişənin yenidən genişmiqyaslı mərhələyə keçməsi riskini yüksəldə və regionda təhlükəsizlik vəziyyətinə təsir göstərə bilər.
Geri dön