Gürcüstanda sel fəlakəti - Telavi su altında qaldı+Video
Bu gün, 13:18. Yazar: vasif
Gürcüstanın Telavi şəhərində güclü leysan yağışlarından sonra “Telavis xevi” çayı məcrasından çıxaraq ciddi fəsadlar törədib.
“aia.az” xarici KİV-ə istinadən xəbər verir ki, sel suları şəhərin mərkəzi küçələrini, yaşayış evlərinin zirzəmilərini, mağaza və aptekləri su altında qoyub.
Təbii fəlakət səbəbindən şəhərin böyük hissəsində işıq, qaz və içməli suyun verilişi dayandırılıb, bir neçə avtomobilə ziyan dəyib.
Kaxeti bölgəsinin qubernatoru dəyən ziyanın böyük olduğunu bildirib.
Hazırda əraziyə xüsusi texnika cəlb olunub və fəsadların aradan qaldırılması üçün operativ qərargah yaradılıb.
Geri dön