Krım OD-ALOV içində: Strateji obyektlər darmadağın edildi - Körpü təcili BAĞLANDI
Bu gün, 10:44. Yazar: vasif
21 iyun gecə saatlarında Krımın müxtəlif rayonlarında ard-arda güclü partlayış səsləri eşidilib.
Yerli sakinlər növbəti kütləvi pilotsuz uçuş aparatlarının (PUA) hücumunun baş verdiyini bildiriblər.
aia.az xəbər verir ki, bu barədə "RBC-Ukrayna" məlumat yayıb.
Mənbənin məlumatına görə, partlayış səsləri və rusların hava hücumundan müdafiə (HHM) sistemlərinin işə düşməsi yarımadanın eyni anda bir neçə böyük şəhərində və rayonunda qeydə alınıb.
Xüsusilə Kerç, Bağçasaray, Sevastopol, Simferopol, eləcə də Nijneqorski, Krasnoqvardeyski və Krasnoperekopski rayonlarının sakinləri güclü partlayışlar barədə məlumat veriblər.
Havadan gələn ciddi təhlükə səbəbindən Rusiya qüvvələri Kerç (Krım) körpüsündə nəqliyyatın hərəkətini təcili olaraq tamamilə bağlamaq məcburiyyətində qalıblar.
PUA hücumu nəticəsində Kerç dəniz limanı rayonunda genişmiqyaslı yanğın başlayıb. Ehtimal olunur ki, zərbə yerli yanacaq terminalına dəyib. Şəhərin üzərini qatı qara tüstü dumanı bürüyüb.
Xatırladaq ki, iyunun 20-nə keçən gecə Ukrayna Silahlı Qüvvələrinin Pilotsuz Sistemlər Qüvvələri işğal olunmuş Krımdakı dörd qaz kompressor stansiyasına uğurlu zərbələr endirib. Qurumun komandanı Robert (Madyar) Brovdinin sözlərinə görə, Juravlyovka, Aromatnoye, Klyuçi və Laxovka stansiyaları atəş xəttinə düşüb.
Bundan əlavə, Ukrayna dronları Rusiyanın logistika xətlərinə də zərbələr endirib. Heniçesk boğazı üzərindəki avtomobil körpüsü, Çaplinkada yanacaqdoldurma məntəqəsi, həmçinin Armyansk və Çaplinkada işğalçıların logistik nəqliyyat vasitələri vurulub.
Geri dön