Mundial öncəsi seçimlər bəlli olur: Azarkeşlər ölkəyəmi, ulduza mı dəstək verir?
Dünən, 19:31. Yazar: vasif
2026-cı il Dünya Çempionatına sayılı günlər qalarkən futbolsevərlərin hansı komandaya azarkeşlik edəcəyi yenidən müzakirə mövzusuna çevrilib. Azərbaycan millisi turnirdə iştirak etmədiyindən yerli azarkeşlər ənənəvi olaraq özlərinə başqa favoritlər seçirlər.
Bir çox tanınmış simalar ilk növbədə Türkiyə millisini dəstəkləyəcəklərini bildirirlər. Bunun əsas səbəbi qardaş ölkəyə olan xüsusi münasibət və “Bir millət, iki dövlət” prinsipidir. Türkiyədən sonra isə seçimlər fərqlənir.
Bəzi şəxslər Ronaldo amilinə görə Portuqaliyaya, digərləri isə gənc ulduzlar Lamin Yamal, Pedri və digər futbolçuların çıxış etdiyi İspaniyaya üstünlük verirlər. Braziliya, Almaniya və Argentina da favoritlər sırasında qalmaqdadır.
İdman yazarları və ekspertlər hesab edirlər ki, müasir futbolda artıq təkcə ölkələr deyil, dünya şöhrətli futbolçular da milyonlarla azarkeşin seçimində həlledici rol oynayır. Vaxtilə Messi Argentinaya, Ronaldo isə Portuqaliyaya əlavə milyonlarla tərəfdar qazandırdığı kimi, indi də yeni nəsil ulduzlar eyni təsiri göstərir.
Beləliklə, qarşıdakı mundialda azərbaycanlı azarkeşlərin əsas dəstəyi ənənəvi olaraq Türkiyəyə yönəlsə də, ikinci seçimlərdə həm futbolun gözəlliyi, həm də ulduz futbolçuların nüfuzu ön plana çıxır.
Geri dön