Aİ-dən Paşinyana açıq dəstək: “Ermənistan Avropaya daha da yaxınlaşır”
Dünən, 21:36. Yazar: vasif
Avropa Komissiyasının sədri Ursula fon der Lyayen Ermənistanda keçirilən parlament seçkilərində qələbə qazanan Nikol Paşinyanı təbrik edib və Avropa İttifaqının İrəvana dəstəyini bir daha təsdiqləyib.
Avropa rəsmisi bildirib ki, Ermənistanda demokratik proseslərin davam etməsi və ölkənin islahat kursu Brüssel tərəfindən yüksək qiymətləndirilir. O, Ermənistanın son illərdə Avropa ilə münasibətlərini gücləndirdiyini vurğulayıb.
Fon der Lyayen qeyd edib ki, Avropa İttifaqı Ermənistanla strateji əməkdaşlığı inkişaf etdirmək niyyətindədir və ölkənin qarşılaşdığı regional çağırışlar fonunda ona dəstək verməyə hazırdır.
Aİ rəhbərinin mesajında Ermənistanın Avropaya inteqrasiya istiqamətində atdığı addımların alqışlandığı, İrəvanın gələcək planlarında Avropa İttifaqına arxalana biləcəyi xüsusi vurğulanıb.
Bu açıqlama seçkilərdən sonra Ermənistanın xarici siyasət kursu ilə bağlı verilən ən diqqətçəkən beynəlxalq dəstək bəyanatlarından biri kimi qiymətləndirilir.
Geri dön