Saakaşvilidən Bakı və Ankaraya çağırış: Gürcüstan təhlükə siqnalı verir
Bu gün, 20:41. Yazar: vasif
Gürcüstanın sabiq prezidenti Mixail Saakaşvili ölkəsinin təhlükəsizliyi ilə bağlı diqqətçəkən açıqlama verib. O bildirib ki, Tbilisi Azərbaycan və Türkiyə ilə müdafiə sahəsində əməkdaşlığı gücləndirməli, regiondakı risklərə qarşı daha hazırlıqlı olmalıdır.
Politoloq Qabil Hüseynlinin sözlərinə görə, Rusiyanın Ermənistana hücum hazırladığı barədə iddiaları təsdiqləyən ciddi faktlar yoxdur. Bununla belə, Cənubi Qafqazda təhlükəsizlik məsələlərinin daim diqqətdə saxlanılması vacibdir.
Ekspert hesab edir ki, Azərbaycan, Türkiyə və Gürcüstan arasında enerji, nəqliyyat və təhlükəsizlik sahələrində əməkdaşlıq artıq mövcuddur və bu əlaqələrin daha da inkişaf etdirilməsi mümkündür. Lakin NATO tipli kollektiv müdafiə mexanizminin yaradılması yaxın perspektivdə real görünmür.
Qabil Hüseynli vurğulayıb ki, region ölkələrinin əsas məqsədi Cənubi Qafqazı böyük güclərin qarşıdurma meydanına çevrilməkdən qorumaq və sabitliyi gücləndirmək olmalıdır. Bu isə həm Azərbaycanın, həm Türkiyənin, həm də Gürcüstanın strateji maraqlarına uyğundur.
Geri dön