Dünyanın ən varlı idmançıları açıqlandı – Ronaldo yenə hamını geridə qoydu
Bu gün, 19:02. Yazar: vasif
2026-cı ilin ən çox qazanan idmançılarının siyahısı açıqlanıb və zirvədə yenə futbol ulduzu Cristiano Ronaldo qərarlaşıb.
Məlumata görə, portuqaliyalı futbolçu son bir ildə ümumilikdə 300 milyon dollar gəlir əldə edərək dünyanın ən yüksək qazanc əldə edən idmançısı olub. Gəlirin böyük hissəsi klub müqaviləsindən, qalan hissəsi isə reklam, sponsorluq və şəxsi biznes layihələrindən formalaşıb.
Siyahıda ikinci yeri Canelo Álvarez, üçüncü yeri isə Lionel Messi tutub. İlk beşlikdə həmçinin LeBron James və Shohei Ohtani də yer alıblar.
Ən çox qazanan 10 idmançı:
• Cristiano Ronaldo – 300 milyon dollar
• Canelo Álvarez – 170 milyon dollar
• Lionel Messi – 140 milyon dollar
• LeBron James – 137,8 milyon dollar
• Shohei Ohtani – 127,6 milyon dollar
• Stephen Curry – 124,7 milyon dollar
• Jon Rahm – 107 milyon dollar
• Karim Benzema – 104 milyon dollar
• Kevin Durant – 103,8 milyon dollar
• Lewis Hamilton – 100 milyon dollar
Ekspertlər bildirirlər ki, son illərdə idmançıların gəlirlərinin sürətlə artmasında sponsorluq müqavilələri, şəxsi brendlər və xüsusilə Yaxın Şərq ölkələrinin idmana yatırdığı böyük investisiyalar mühüm rol oynayıb. Ronaldo isə ardıcıl olaraq dünyanın ən çox qazanan idmançısı statusunu qorumaqda davam edir.
Geri dön