KİV: ABŞ-də 65 ildə ilk dəfə hərbçilər edam edilə bilərlər
Bu gün, 19:21. Yazar: vasif
ABŞ ordusu 1961-ci ildən bəri ilk dəfə olaraq ölüm hökmünə məhkum edilmiş dörd hərbçini edam edə bilər.
"aia.az" xəbər verir ki, bu barədə ABC telekanalı daxili planlaşdırma sənədlərinə istinadən xəbər verir.
Edam edilə biləcək məhkumlar qətl və təcavüz cinayətlərinə görə həbs olunublar. İlkin olaraq fevral ayında hazırlanan plan "Qətiyyətli ədalət məhkəməsi əməliyyatı" adını alıb. Planın icrası üçün məhkumlar Kanzas ştatındakı Fort-Livenvort kazarmalarından İndiana ştatının Terre-Hot şəhərindəki həbsxanaya köçürüləcəklər.
Ordu rəsmisi Sintiya Smit ABC-yə verdiyi şərhdə son 20 ildə müvafiq təlimlərin keçirildiyini təsdiqləyib. Onun sözlərinə görə, bu, Ağ Evdən gələ biləcək sərəncam ehtimalına qarşı planlaşdırmanın standart tərkib hissəsidir.
Telekanal qeyd edir ki, hərbi qulluqçunun sonuncu edamı 1961-ci ildə baş verib. Həmin vaxt sıravi Con Bennet Avstriyada 11 yaşlı qıza təcavüz etməkdə və onu öldürməyə cəhddə təqsirli bilinərək edam edilmişdi.
Geri dön