Kriptovalyuta bazarında panika – “Bitcoin” kəskin dəyər itirdi
Bu gün, 11:00. Yazar: vasif
Dünyanın ən məşhur kriptovalyutası olan Bitcoin son ticarət sessiyalarında ciddi ucuzlaşma ilə üzləşib.
Məlumatlara görə, "Bitcoin"in qiyməti 62 min dollar həddindən aşağı düşərək bir müddət 61,4 min dollar səviyyəsində ticarət olunub. Bu göstərici son ayların ən aşağı qiymətlərindən biri hesab edilir.
Bazar iştirakçıları arasında artan narahatlıq fonunda bəzi ekspertlər daha dərin eniş ehtimalını da istisna etmirlər. Analitik Aleksandr Şneydermanın fikrincə, qlobal maliyyə bazarlarında riskli aktivlərdən uzaqlaşma tendensiyası güclənərsə, "Bitcoin"in dəyəri daha ciddi təzyiq altında qala bilər.
Mütəxəssislər bildirirlər ki, investorların ehtiyatlı davranışı, qlobal iqtisadi qeyri-müəyyənlik və maliyyə bazarlarındakı dalğalanmalar kriptovalyutalara marağın azalmasına səbəb olur. Bu isə bazarda satış təzyiqini artıraraq qiymətlərə mənfi təsir göstərir.
Ekspertlər yaxın günlərdə kriptovalyuta bazarında yüksək volatilliyin davam edəcəyini və investorların riskləri diqqətlə qiymətləndirməsinin vacib olduğunu vurğulayırlar.
Geri dön