Tez əsəbiləşənlər haqqında maraqlı fakt – səbəb düşündüyünüz kimi deyil
Dünən, 22:19. Yazar: vasif
Mütəxəssislər bildirirlər ki, tez əsəbiləşən insanlar hər zaman aqressiv və ya hövsələsiz olmurlar. Bəzi hallarda onların reaksiyalarının arxasında güclü ədalət hissi, yüksək emosional həssaslıq və hadisələrə daha çox önəm vermələri dayanır.
Araşdırmalara görə, bu insanlar haqsızlıq, hörmətsizlik və ya vacib hesab etdikləri dəyərlərə qarşı təhdidləri daha kəskin qəbul edirlər. Buna görə də qəzəbləri çox vaxt laqeydlikdən deyil, əksinə, baş verənlərə həssas yanaşmalarından qaynaqlanır.
Psixoloqlar qeyd edirlər ki, yüksək empatiya və vicdan hissinə malik bəzi şəxslər stresli vəziyyətlərdə emosiyalarını daha sürətli ifadə edə bilirlər. Bununla belə, qəzəbin özü insanın vicdanlı və ya həssas olmasının birbaşa göstəricisi hesab edilmir.
Ekspertlərin fikrincə, əsas məsələ əsəbiləşmək deyil, yaranan emosiyaları düzgün idarə edə bilməkdir. Sağlam ünsiyyət və emosional nəzarət həm münasibətlərin qorunmasına, həm də gündəlik həyatın daha balanslı olmasına kömək edir.
Geri dön