“Ali məktəblərin plan yeri heç 50 faiz də dolmayacaq” - Təhsil eksperti
17-03-2017, 14:56. Yazar: admin
“Məlum olduğu kimi bu gün, 17 martda saat 23:59-da magistratura və rezidenturaya sənəd qəbulunun vaxtı bitirdi. Amma Dövlət İmtahan Mərkəzi (DİM) bu müddəti martın 28-dək uzatdı. Hələ indiyə qədər sənəd qəbulu bitən zaman bu qədər uzadılma olmamışdı”.
Modern.az xəbər verir ki, bunu təhsil eksperti Kamran Əsədov deyib.
Təhsil eksperti bildirib ki, buna səbəb, imtahanda iştirak etmək üçün qeydiyyatdan keçənlərinin sayının keçən il və ondan əvvəlki illərlə müqayisədə dəfələrlə az olmasıdır.
“2016-cı ildə 22 min, 2015-ci ildə 24 min, 2014-cü ildə 25 min bakalavr sənəd qəbulunda iştirak etmişdisə, bu il, 2017-ci ildə heç 11 min nəfər yoxdur”.
Kamran Əsədov həmçinin qeyd edib ki, bunun səbəblərindən biri də imtahan qiymətlərinin fantastik olmasıdır.
“Bu o deməkdir ki, hələ abituriyentlərlə bağlı daha ciddi rəqəmlər ortaya çıxacaq. Təsəvvür edin ki, magistratura üçün 25 min bakalavr sənəd verəndə plan yeri 80 faiz dolurdusa, indi heç ali məktəblərin plan yeri 50 faiz dolmayacaq”.
Təhsil eksperti Azərbaycanda magistratura və rezidenturaya sənəd qəbulunun vaxtının martın 28-i saat 00:00-dək uzadılmasına münasibət bildirib.
“DİM sədri bu gün deyib ki, qəbul imtahanın 1-ci mərhələsində iştirak etmək istəyən 22 mindən çox şəxs artıq elektron ərizə verib. Amma DİM-in rəsmi saytına əsasən saat 12:21-ə olan məlumatı deyim ki, bakalavr, magistratura, rezidentura, kolleclərə qəbul olmaq üçün bütün verilən sənəd qəbullarını hesablasaq, 15 min nəfər etmir. Yalnız magistraturaya qəbul üçün 10-mindən bir az artıq, bakalavriata qəbul üçün 3 mindən az şəxs elektron ərizə verib”.
Qeyd edək ki, 17 mart saat 23:59-da magistratura və rezidenturaya sənəd qəbulunun vaxtı bitirdi. Amma DİM sədri Məleykə Abbaszadə bu gün bildirib ki, Azərbaycanda magistratura və rezidenturaya sənəd qəbulunun vaxtı martın 28-i saat 00:00-dək uzadılıb.
AİA.az
Geri dön