Kremldən internetlə bağlı diqqətçəkən qərar
Bu gün, 19:15. Yazar: vasif
Rusiya Prezidenti Vladimir Putin hökumətə və Federal Təhlükəsizlik Xidmətinə (FSB) ölkədə internet infrastrukturunun dayanıqlığının artırılması ilə bağlı tapşırıqlar verib.
Rəsmi məlumata görə, tapşırığın məqsədi fövqəladə hallar, xarici təhdidlər, kiberhücumlar və digər kritik vəziyyətlər zamanı vətəndaşların internetə çıxışının mümkün qədər fasiləsiz təmin edilməsidir.
Qərar çərçivəsində aidiyyəti qurumlar ölkənin informasiya və rabitə sistemlərinin davamlı fəaliyyətini təmin etmək, rəqəmsal infrastrukturun təhlükəsizliyini gücləndirmək və mümkün kənar müdaxilələrə qarşı hazırlıq səviyyəsini artırmaq istiqamətində tədbirlər həyata keçirməlidirlər.
Mütəxəssislər hesab edirlər ki, bu addım Rusiyanın rəqəmsal təhlükəsizlik strategiyasının bir hissəsidir və ölkənin internet şəbəkəsinin müxtəlif risklərə qarşı daha dayanıqlı olmasına yönəlib.
Analitiklərin fikrincə, qlobal kiber təhlükələrin artdığı bir dövrdə belə təşəbbüslər dövlətlərin informasiya təhlükəsizliyini və rabitə sistemlərinin sabitliyini qorumaq məqsədi daşıyır.
Geri dön