İlaxır çərşənbədə 8 nəfər tonqalda yanıb
15-03-2017, 10:58. Yazar: admin
İlaxır çərşənbə günü tonqalda yanan 8 nəfər yanıq şöbəsinə müraciət edib.
AİA.az xəbər verir ki, bu barədə AzVision.az-a 5 nömrəli Şəhər Klinik Xəstəxananın Yanıq şöbəsinin baş həkimi Şöhrət Mənmmədov deyib. Onun sözlərinə görə, müraciət edənlər arasında ağır yanıq xəsarəti alan xəstələr olmayıb.
“Onlara ilkin tibbi yardım göstərilib, evə yola salınıblar. Müraciət edənlər 3-14 yaş arası uşaqlardır. Tonqalda yananlardan ikisi qadın, qalanları oğlan uşaqlarıdır. Yanıq xəsarətləri səthidir".
Ş.Məmmədov bildirib ki, müraciət edənlərin əksəriyyəti Bakının Sabail, Xətai, Nəsimi, Yasamal rayonlarındandır: “Bu gün bir nəfər Baləkəndən gətirilib. O, 10 yaşında oğlan uşağıdır”.
AİA.az
Geri dön