Maradonanın ölümü ilə bağlı yeni detallar üzə çıxdı – məhkəmə prosesi yenidən gündəmdə
Bu gün, 17:00. Yazar: vasif
Argentina futbolunun əfsanəsi Diego Maradona-nın ölümü ilə bağlı araşdırmalar və məhkəmə prosesi yenidən beynəlxalq gündəmə qayıdıb. Onun ölümündə səhlənkarlıqda ittiham olunan tibb işçiləri yenidən məhkəmə qarşısına çıxarılıb.
Məlumata görə, Maradona 2020-ci ilin noyabrında beynində qan laxtasının götürülməsi əməliyyatından sonra ev şəraitində müalicə alırdı. Rəsmi nəticələrə əsasən, onun ölümü ürək çatışmazlığı və ağciyərlərdə maye yığılması səbəbilə baş verib.
Prokurorluğun iddiasına görə, futbol əfsanəsinin vəziyyəti ölümündən əvvəl uzun müddət ağırlaşıb və tibbi heyət tərəfindən vaxtında müdaxilə edilməyib. Ekspertlər onun ölümündən öncə saatlarla ciddi əziyyət çəkdiyini bildirirlər.
İstintaq materiallarında qeyd olunur ki, Diego Maradona-ya nəzarət edən həkimlər vəziyyəti düzgün izləməyib və onun xəstəxanaya vaxtında yerləşdirilməsi təmin olunmayıb. Bu isə “laqeydlik və səhlənkarlıq” kimi qiymətləndirilir.
İttiham olunanlar arasında Maradonanın şəxsi həkimi Leopoldo Luque, psixiatr Agustina Cosachov və digər tibb işçiləri var. Onlar isə bütün ittihamları rədd edirlər.
Məhkəmə sübut olunarsa, təqsirləndirilən şəxslərin 8 ildən 25 ilə qədər azadlıqdan məhrum edilə biləcəyi bildirilir. Bu isə futbol tarixinin ən böyük fiqurlarından birinin ölümü ilə bağlı işin hələ də tam aydınlaşmadığını göstərir.
Geri dön