İsrail hərbçiləri dini simvola hörmətsizliyə görə cəzalandırıldı
Bu gün, 11:06. Yazar: vasif
İsrail Müdafiə Qüvvələri (IDF) daxilində baş verən insident sosial mediada yayıldıqdan sonra ciddi reaksiyaya səbəb olub. Hadisə Livan ərazisində xidmət zamanı qeydə alınıb.
Məlumata görə, iki hərbçi dini simvola qarşı hörmətsiz davranış nümayiş etdirdikdən sonra intizam qaydaları çərçivəsində cəzalandırılıb. Onlardan biri heykəl üzərində qeyri-etik hərəkət edərək foto çəkdirib, digəri isə bu anı lentə alıb.
Hadisənin yayılmasından sonra İsrail Müdafiə Qüvvələri komandanlığı məsələni ciddi şəkildə araşdırıb və hər iki hərbçinin hərbi intizamı pozduğunu təsdiqləyib.
Qərara əsasən, fotoda iştirak edən əsgər 21 gün, görüntünü çəkən hərbçi isə 14 gün müddətinə hərbi həbs cəzasına məhkum edilib. Komandanlıq bu cür davranışların ordunun nüfuzuna zərər verdiyini bildirib.
Hadisə bölgədə gərginliyin davam etdiyi bir dövrdə baş verdiyi üçün əlavə müzakirələrə səbəb olub və hərbi nizam-intizam məsələsi yenidən gündəmə gəlib.
Geri dön