Danışıqlar "bitdi", Kiyev artıq ABŞ-yə güvənmir - NYT
Dünən, 20:42. Yazar: vasif
Kiyev artıq Rusiya-Ukrayna müharibəsində ABŞ-yə güvənmir.
aia.az “The New York Times”ə (NYT) istinadən xəbər verir ki, buna əsas səbəb kimi ABŞ-İsrail-İran müharibəsi göstərilir.
Zelenski vurğulayıb ki, İranda müharibə başlayandan bəri amerikalı nümayəndələrin "Ukrayna üçün vaxtı olmayıb".
Zelenski iddia edib ki, müharibənin bitməsi üçün Tramp administrasiyası hələ də Rusiyadan daha çox Ukrayna tərəfinə təzyiq göstərən bir strategiya seçir.
Avropa siyasi konsaltinq şirkətinin baş direktoru Rasmussen deyib ki, Rusiya-Ukrayna müharibəsi ilə əlaqədar olaraq real danışıqlar yoxdur. “Artıq danışıqlar yoxdur. Rusiyanın indi bunu etmək üçün heç bir stimulu yoxdur. ABŞ da iki tərəf arasında etibarlı və ağlabatan vasitəçi kimi görünmür", - o əlavə edib.
Beləliklə, NYT-nin yazdığı kimi, Trampın gözlənilməz xarici siyasətini müşahidə edən Kiyev daha müstəqil olmalı olduğunu anladı.
Sülh danışıqlarına gəldikdə, ukraynalı siyasi analitik Vladimir Fesenko dialoqun vacib olduğunu və Kiyevin Vaşinqtonla bütün əməkdaşlıqdan imtina edə bilməyəcəyini qeyd edib.
“Deyə bilərik ki, ABŞ sülh danışıqlarında nə ən yaxşı tərəfdaş, nə də ən yaxşı vasitəçidir. Lakin ABŞ və Tramp administrasiyası sülh prosesində yeganə real moderator və ən təsirli oyunçudur. Və bu mənada bizim alternativimiz yoxdur”, - o əlavə edib.
Geri dön