Zelenski Moskvaya gedəcək liderlərə çağırış etdi – “tövsiyə etmirik”
Bu gün, 14:50. Yazar: vasif
Ukrayna Prezidenti Volodimir Zelenski Moskvada keçiriləcək 9 May Qələbə Günü tədbirlərində iştirak etməyi planlaşdıran xarici ölkə nümayəndələrinə müraciət edib.
O bildirib ki, belə səfərləri “məqsədəuyğun hesab etmir” və bu addımı tövsiyə etmir. Zelenski vurğulayıb ki, Kiyev daha əvvəl 6 maydan etibarən atəşkəs təklifi irəli sürsə də, bunun əvəzində hücumlar və təhdidlər alınıb.
Ukrayna lideri əlavə edib ki, sülhün prioritet olması lazım olduğu halda, diqqətin hərbi paradlara yönəldilməsi düzgün yanaşma deyil.
Eyni zamanda Rusiya tərəfi 9 May tədbirlərinin formatında dəyişikliklər edib. Bildirilir ki, təhlükəsizlik səbəbilə hərbi texnika nümayişi məhdudlaşdırılıb, bəzi xarici media qurumlarının akkreditasiyası isə ləğv olunub.
Məlumata görə, Moskvada keçiriləcək tədbirdə əsasən Belarus, Serbiya, Slovakiya və bir neçə Asiya və qismən tanınan regionların nümayəndələrinin iştirakı gözlənilir.
Geri dön