Paşinyandan sensasion iddia: “Qarabağ məsələsi 1996-da həll olunmuşdu”
Bu gün, 11:00. Yazar: vasif
Nikol Paşinyan Qarabağ münaqişəsi ilə bağlı verdiyi açıqlamada diqqətçəkən iddia səsləndirib. O bildirib ki, məsələ əslində 1996-cı ildə Lissabon sammitində siyasi çərçivə baxımından müəyyənləşdirilib və sonrakı proseslər “uzadılmış mərhələ” olub.
Paşinyanın sözlərinə görə, Ermənistan uzun illər yanlış siyasi istiqamətə yönəldilib və ölkə “tələyə salınmış vəziyyətdə” saxlanılıb. O iddia edib ki, bu proses Ermənistan dövlətçiliyinin inkişafına mane olub və ölkəni asılı vəziyyətdə saxlamağa xidmət edib.
Baş nazir həmçinin 2018-ci ildə hakimiyyətə gəldikdən sonra qarşılaşdığı vəziyyəti “suverenliyin məhdudlaşdırıldığı sistem” kimi xarakterizə edib. Onun sözlərinə görə, Ermənistan faktiki olaraq tam müstəqil qərar verən dövlət kimi deyil, müxtəlif xarici mərkəzlərin təsirində olan ölkə kimi fəaliyyət göstərib.
Paşinyan 2016-cı ilin aprel döyüşlərini də xatırladaraq, həmin hadisələrin sülh danışıqları fonunda baş verdiyini və prosesə ciddi təsir göstərdiyini qeyd edib.
Bu bəyanatlar Ermənistan daxilində və regionda müzakirələrə səbəb olub və keçmiş Qarabağ prosesinin yenidən siyasi debat mövzusuna çevrildiyini göstərir.
Geri dön