Pekində “təmizləmə dalğası”: Çin generallarının yoxa çıxması nə deməkdir?
Bu gün, 16:00. Yazar: vasif
Çində keçmiş müdafiə nazirlərinin və yüksək rütbəli generalların korrupsiya ittihamları ilə cəzalandırılması Qərb mediasında geniş müzakirə olunur. Məlumata görə, bir sıra hərbçilərin hətta ölüm cəzası və ya ömürlük həbs riskilə üzləşməsi ölkədə ciddi daxili təmizləmə prosesinin getdiyini göstərir.
Siyasi şərhçilər bildirir ki, Si Cinpin hakimiyyətə gəldikdən sonra ordu və dövlət aparatında korrupsiyaya qarşı sistemli kampaniya aparır. Bu proses nəticəsində 100-dən çox yüksək rütbəli hərbçinin cəzalandırıldığı iddia olunur.
Analitiklərin fikrincə, Çinin hərbi büdcəsinin və iqtisadi gücünün artması generallar arasında korrupsiya riskini də yüksəldib. Müdafiə sahəsində böyük maliyyə axınları “daxili təmizləmə”ni zəruri edib.
Ekspertlər hesab edirlər ki, Pekində baş verən bu proses təkcə korrupsiyaya qarşı mübarizə deyil, eyni zamanda ordu daxilində siyasi nəzarətin gücləndirilməsi və mərkəzləşmənin artırılması kimi də qiymətləndirilə bilər.
Geri dön