Ermənistanda seçkilər ərəfəsində həlledici mərhələ: Paşinyanın qalibiyyəti referendum və sülh prosesini müəyyən edəcək
Bu gün, 12:15. Yazar: vasif
Ermənistanda 7 iyun parlament seçkiləri ölkənin gələcək siyasi kursu üçün həlledici mərhələ sayılır. Hakim “Vətəndaş Müqaviləsi” partiyası seçkilərdən sonra konstitusiya islahatları və referendum məsələsini irəlilətməyi planlaşdırır.
Lakin partiya parlamentdə mütləq çoxluq qazana bilməsə, bu proseslər çətinləşə və ya gündəmdən çıxa bilər. Bu isə həm daxili siyasi balansı, həm də xarici siyasət istiqamətini dəyişə bilər.
Müxalifət seçki kampaniyasını daha çox revanşist ritorika üzərində qurur və hakimiyyəti güzəştlərdə ittiham edir. Buna baxmayaraq, Paşinyan düşərgəsi hələ də əsas favorit kimi qiymətləndirilir, çünki müxalifət parçalanmış vəziyyətdədir və alternativ lider faktoru zəifdir.
Ekspertlərin fikrincə, Paşinyanın qalib gəlməsi referendum və konstitusiya dəyişikliklərinin yolunu aça bilər. Əks halda, Ermənistanın sülh prosesi və regionla inteqrasiya planları ləngiyə və ölkə yenidən təcrid riskinə düşə bilər.
Geri dön