Simonyan: “Ermənistan asılılıqdan çıxır, böyük güclərin təsirinə tabe olmaq istəmir”
Bu gün, 13:23. Yazar: vasif
Ermənistan parlamentinin sədri Alen Simonyan İrəvanın xarici siyasət kursu ilə bağlı açıqlama verib.
O bildirib ki, Ermənistan Rusiyaya qarşı yönəlmiş siyasət aparmır, sadəcə milli maraqlarını qorumağa və müstəqil qərarlar verməyə çalışır. Simonyan ölkənin xarici siyasətdə asılılıq modelindən uzaqlaşdığını vurğulayıb.
Onun sözlərinə görə, Ermənistan “bir böyük gücdən digərinə tabe olmaq” deyil, öz suveren qərarlarını qəbul etmək yolunu seçməlidir. O, keçmişdə ölkənin xarici siyasətinin daha çox Moskva ilə koordinasiyalı olduğunu da qeyd edib.
Simonyan hazırkı mərhələni Ermənistanın müstəqil mövqe formalaşdırması baxımından keçid dövrü kimi dəyərləndirib.
Geri dön