Pakistan Trampa təşəkkür etdi – Hörmüz gərginliyində diplomatik dönüş
Bu gün, 19:00. Yazar: vasif
Pakistanın Baş naziri Şahbaz Şərif ABŞ Prezidenti Donald Trampın Hörmüz boğazı ilə bağlı hərbi əməliyyatların dayandırılması qərarını müsbət qiymətləndirib.
Şərifin sözlərinə görə, qəbul edilən bu addım region ölkələrinin diplomatik səyləri nəticəsində mümkün olub və genişmiqyaslı hərbi qarşıdurma riskinin qarşısını alıb. O, xüsusilə Səudiyyə Ərəbistanının vasitəçilik rolunu vurğulayıb.
Məlumata görə, İslamabad və Ər-Riyad bölgədə yarana biləcək gərginliyin qlobal iqtisadiyyata təsirini nəzərə alaraq ABŞ-la təmaslar aparıb.
Bəzi hərbi dairələr bu qərarı ABŞ-ın geri addımı kimi qiymətləndirsə də, Pakistan tərəfi bunun diplomatiyanın üstünlüyü olduğunu bildirir.
Hazırda bölgədə gərginliyin azaldılması və ticarət marşrutlarının təhlükəsizliyini təmin edəcək yeni mexanizmlərin hazırlanması istiqamətində müzakirələr davam edir.
Geri dön