Baxçalıdan Öcalanla bağlı İLGİNC TƏKLİF – “Terrorsuz Türkiyə” üçün yeni mexanizm çağırışı
Bu gün, 16:00. Yazar: vasif
MHP sədri Dövlət Baxçalı partiyasının qrup toplantısında terrorla mübarizə və Türkiyənin gələcək siyasi təhlükəsizliyi ilə bağlı mühüm mesajlar verib.
O, çıxışında Abdullah Öcalanın statusu ətrafında mövcud boşluqların aradan qaldırılmasının vacibliyini vurğulayaraq, bunun “Terrorsuz Türkiyə” hədəfinə xidmət edə biləcəyini bildirib.
Baxçalı 11 iyul 2025-də PKK üzvü bir qrupun simvolik olaraq silahı yerə qoymasını bu prosesin ilkin mərhələsi kimi qiymətləndirib və bunun davamının hüquqi-siyasi müstəvidə tənzimlənməli olduğunu qeyd edib.
MHP lideri həmçinin yeni bir koordinasiya mexanizminin yaradılmasını təklif edib. Onun sözlərinə görə, “Sülh Prosesi və Siyasiləşmə Koordinasiyası” adlı struktur terrorun tam aradan qaldırılması və siyasi sahənin bu təsirdən təmizlənməsi üçün işləyə bilər.
Baxçalı Türkiyənin regional roluna da toxunaraq, ölkənin Balkanlar və Türk dünyası arasında strateji mərkəz olduğunu bildirib və milli maraqlardan heç bir halda güzəşt edilməyəcəyini vurğulayıb.
O, çıxışını “Terrorsuz Türkiyə” hədəfinin tarixi məsuliyyət olduğunu qeyd edərək və MHP-nin bu mövqedən geri çəkilməyəcəyini bəyan edərək tamamlayıb.
Geri dön