Müharibə, yoxsa sülh? Trampın masasına gedən yeni İran təklifində kritik detallar
Bu gün, 18:00. Yazar: vasif
İran ABŞ ilə gərgin danışıqlar fonunda yenilənmiş sülh təklifi hazırlayaraq Vaşinqtona göndərməyə hazırlaşır. Məlumata görə, sənəd yaxın günlərdə ABŞ tərəfinə təqdim olunacaq.
Donald Trump administrasiyasının əvvəlki təklifi qəbul etməməsindən sonra prosesdə ciddi gərginlik yaranıb. Ağ Ev həmin variantı ABŞ maraqlarına uyğun saymamışdı.
Yeni təklifin əsasən nüvə proqramı, ballistik raketlər və Hörmüz boğazında təhlükəsizlik məsələlərini əhatə etdiyi bildirilir. Diplomatik mənbələr bu sənədin əvvəlkilərə nisbətən daha konkret və sərt çərçivələr daşıdığını qeyd edir.
Eyni zamanda, Pakistan vasitəçiliyinin prosesdə mühüm rol oynadığı və danışıqların arxa planda intensiv şəkildə aparıldığı vurğulanır. Bu isə regionda diplomatik balansın hələ də həssas olduğunu göstərir.
Analitiklərin fikrincə, əgər yeni təklif də qəbul edilməsə, Yaxın Şərqdə gərginliyin hərbi mərhələyə keçmə ehtimalı artacaq. Hazırkı vəziyyət isə qərarın tamamilə Vaşinqtonun mövqeyindən asılı olduğunu göstərir.
Geri dön